Adaraye Ulpatha Wu Amma (ආදරයේ උල්පත වූ අම්මා) Lyrics

ආදරයේ උල්පත වූ අම්මා
මා ඔබගේ පුතු වූ
ඔබ මතු බුදුවන දවසේ
මා රාහුල කුමරුන් සේ
සෙවන පතා අද මෙන් පැමිණෙන්නෙමි
සුළැඟිල්ලේ එල්ලී...

සඳ දිය කොට
කිරි වතුරෙන්
ඒ දියරෙන් මුව දෝවා
දිව මතුරක්වන්
නැලැවිලි ගීයෙන්
මතකයි මා නැලැවූවා...

ජීවිතයෙන් ජීවිතයක් ගෙන දී
ඒ ජීවිතයට කිරි දී පණ දී
මා දැඩි කල අම්මා...

ආදරයේ උල්පත වූ අම්මා...

තුරුලට ගෙන
අත් පා හැඩ ගස්වා
නිදි ගන්වා යහන් ගැබේ
සිහිනෙන් ගෑ සුවඳක් මෙන්
සිහිවෙයි ඒ කිරි සුවඳ ඔබේ

දවසින් දවසට
සෙනෙහස ලබැදී
ගෙන දී දිවියට නව පන ලැබදී
මා දැඩි කල අම්මා...

ආදරයේ උල්පත වූ අම්මා...