Issara Ma Oba Dakinna Awe Lyrics

ඉස්සර මා ඔබ දකින්න ආවේ
මුව සරසාගෙන සිනහවකින්
දැන් ඉඳ හිටලා බලන්න එන්නේ
දරන්න බැරි වේදනාවකින්..

මට ඔබ හිරු මෙන් විස්වාසයි කී
ඔබටම මා ගැන සැක සිතිලා
වැරදි සොයනවද සමුගෙන යන්නට
වෙන හද කුටියක දොර ඇරලා

එවන් තැනකදී ඔබගේ යහපත
දියුණුව සම්පත සැලසේ නම්
මගේ දිවිය හැර අනිත් සියලු දේ
කැප කෙරුමට මා සූදානම්...

මගේ නිදොස් බව වැටහුණ දිනකදි
කිව මැන අප දත් කෙනෙකු සොයා
එය දැනගත් පසු මම සැනසිල්ලේ
සැතපෙමි සදහට දෙනෙත් පියා...

ඉස්සර මා ඔබ...